Cashback nedir?
Cashback sistemi necə işləyir?
Cashback, kredit kartları ilə edilən alış-verişlərdə ödənilən məbləğin müəyyən faizinin kart sahibinə geri qaytarıldığı bir alış-veriş sistemidir. Cashback sayəsində edilən xərclərin müəyyən hissəsi nağd şəkildə geri alınır.
Məsələn, əgər kart sahibinin kartı müəyyən brendlərlə əməkdaşlıq edən satış nöqtəsində istifadə olunursa və bu satış üçün 500 manat məbləğində alış-veriş edilibsə, həmin alış-verişdə 10% cashback tətbiq olunursa, istifadəçinin hesabına 50 manat geri qaytarılır. Bu, daha qənaətli alış-veriş etməyə imkan yaradır.
Cashback sistemi, hədiyyə kartları və bonus xallardan ibarət digər mükafat modellərindən fərqli mexanizmə malikdir. Bonus sistemlərində vəsait yalnız müəyyən məhsul və ya xidmət üçün istifadə edilə bilər. Məsələn, market alış-verişindən sonra təqdim edilən hədiyyə kartı yalnız həmin marketdə keçərlidir. Amma cashback sistemində geri ödəmə birbaşa nağd vəsait kimi hesabınıza yatırılır və istənilən yerdə sərbəst istifadə edilə bilər.
Cashback sistemindən istifadə olduqca sadədir. İlk olaraq:
- Mobil bankçılıq tətbiqinə daxil olmaq və ya qeydiyyatdan keçmək lazımdır.
2. Qeydiyyat prosesi başa çatdıqdan sonra istifadəçiyə şəxsi hesab açılır və bu hesab vasitəsilə edilən alış-verişlər nəzarətdə saxlanılır.
3. Bu sistem həm internet üzərindən, həm də ənənəvi mağazalarda tətbiq oluna bilər.
4. Cashback proqramına daxil olan mağaza və brendlərdən edilən alış-verişlərin müəyyən faizi geri qaytarılır.Cashback necə hesablanır?
Cashback sistemində geri ödəmə məbləği, alış-veriş məbləğinə və tətbiq olunan faizə əsaslanır. Hesablama çox sadədir:
- Əgər öncədən ödənişli kart 4% cashback təqdim edirsə və illik 10.000 manat xərcləmisinizsə, bu halda 400 manat nağd geri ödəmə əldə edə bilərsiniz.
- Əldə olunan məbləğ bank hesabınıza və ya kart balansınıza köçürülə bilər.
Cashback yalnız ümumi alış-verişlərə deyil, həm də yemək, geyim və səyahət kimi müəyyən kateqoriyalara da şamil oluna bilər və bu sahələrdə bəzən daha yüksək faizlə geri qaytarma təklif olunur.
Cashback nece istifade olunur?
Cashback sistemindən faydalanmaq üçün bu funksiyanı dəstəkləyən kredit və ya debet kartı ilə alış-veriş edilməlidir. Seçim edərkən aşağıdakı məqamlara diqqət yetirilməlidir:
- Cashback faiz dərəcəsi
- Əməkdaşlıq edilən mağazalar
- Minimal alış-veriş limiti
Cashback yalnız anlaşmalı markalar və mağazalarda tətbiq edilir. Ona görə də cashback kartının geniş əməkdaşlıq şəbəkəsinə sahib olması vacibdir.
Cashback sisteminin üstünlükləri nələrdir?
Cashback sisteminin təqdim etdiyi əsas üstünlüklər bunlardır:
- Alış-veriş zamanı ödənilən məbləğin müəyyən hissəsi geri qaytarılır – bu isə əlavə gəlir deməkdir.
- Geri alınan nağd vəsait büdcəyə müsbət təsir göstərir və başqa məqsədlər üçün sərbəst istifadə oluna bilər.
- Geri qaytarılan məbləğ dərhal karta əlavə olunur, digər endirimlərlə birləşdirilərək çox yönlü qənaət əldə olunur.
- Cashback sistemi “xərclə və qazan” prinsipi ilə işlədiyi üçün istifadəçi həm istəyini qarşılayır, həm də qənaət edir.
- Yüksək məbləğli alış-verişlərdə daha çox cashback toplanaraq digər ehtiyaclar üçün pulsuz istifadə imkanı yaranır.
- Bir neçə cashback kampaniyasına qatılıb toplanan vəsaiti birləşdirərək, istənilən məhsul və ya xidməti əlavə xərcləmədən əldə etmək mümkündür.
