Poliglot Nədir və Necə Olmaq Olar?
Poliglot olmaq nədir və necə olur?
Günümüzdə xarici dil bilmək bir çox baxımdan önəm daşıyır. Yalnız mədəni və sosial inkişaf baxımından deyil, həm də təhsil və karyera imkanlarını genişləndirmək üçün vacibdir. Bununla belə, dil öyrənmək prosesi hər kəs üçün eyni dərəcədə asan olmur – bəzi insanlar üçün bu yol yorucu və zaman tələb edən bir prosesə çevrilə bilər.
Digər tərəfdən, bəzi fərdlər dil öyrənməkdə xüsusi bacarıq və istedada sahibdirlər. Bu insanlar öyrəndikləri dilləri daha tez və effektiv şəkildə mənimsəyir və digərlərindən daha uğurlu nəticələr əldə edirlər.
Məsələn:
- Amerikalı dilçi Alexander Argüelles və Cənubi Koreyalı tarixçi Jeong Su-il – 12 dil bilir.
- Yunan tərcüməçi Ioannis Ikonomou – 16 dil.
Bu qədər çox dili bilən insanların varlığı təəccüblü görünə bilər. Amma daha heyrətamiz nümunələr də mövcuddur.
Məsələn,
- Livanlı Ziad Youssef Fazah – 59 dil,
- 18-ci əsrin sonlarında doğulmuş ingilis iqtisadçı John Bowring isə – tam 200 dil bilir!
Dil öyrənmək sahəsindəki bənzərsiz uğurları ilə diqqət çəkən bu qeyri-adi insanlar “poliglot” adlandırılır.
Poliglot nədir?
Çox dil bilən və ya bir neçə dilə bələd olan insanlar üçün istifadə edilən poliglot termini, yunanca “poly” (çox) və “glotta” (dil) sözlərinin birləşməsindən yaranan bir anlayışdır.
Bu nöqtədə ağlınıza “Poliglot neçə dil bilməlidir?” sualı gələ bilər.
Ümumiyyətlə, iki və daha çox xarici dil bilən insanlar üçün “çoxdilli” ifadəsi işlədilir. Amma geniş yayılmış fikrə görə, bir şəxsin poliglot sayılması üçün ən azı 7 xarici dil bilməsi lazımdır.
Aparılan elmi araşdırmalara görə, dünya əhalisinin 1 faizindən az bir hissəsi poliglotdur.
Lakin bu, onlarca fərqli dil bilən bəzi insanların xüsusi bir istedada malik olması anlamına gəlmir!
Poliglot necə olunur?
Dünya üzrə bir çox insan düşünür ki, poliglotlar dil öyrənməkdə xüsusi bir istedada və ya üstün zəka səviyyəsinə malikdir.
Amma əslində bu fikir doğru deyil!
Poliglot olmaq üçün lazım olan əsas şey – ardıcıl və davamlı çalışmaqdır!
Bir neçə xarici dili bilən insanların da etdikləri məhz budur.
Yəni onların dil öyrənməsini asanlaşdıran hər hansı fövqəladə istedadları yoxdur.
Sadəcə:
- Xarici dillərə qarşı tükənməz maraqları,
- Yeni dilləri öyrənməyə qarşı möhtəşəm bir həvəsləri və
- Sadiq qaldıqları intizamlı bir çalışma rejimləri var.
