Smartfonunuzu simsiz siçana çevirən 4 tətbiq
Chrome Remote Desktop
Platformalar: Windows, macOS, Linux, Android, iOS
Google-un Chrome, Firefox və Chromium əsaslı bütün brauzerlər üçün genişlənməsi var və bu genişlənmə vasitəsilə kompüterinizə telefondan daxil ola bilərsiniz. Onun adı Chrome Remote Desktop-dır və internet üzərindən işləyir.
Bu tətbiq vasitəsilə kompüter ekranınızı smartfona ötürə və telefonun ekranını touchpad kimi istifadə edərək kompüterinizi idarə edə bilərsiniz. Başlamaq üçün Chrome brauzerini quraşdırın, genişlənməni endirin və həm telefonunuzda, həm də kompüterinizdə eyni Google hesabına daxil olun. Daha sonra:
- Kompüterdə Remote Access bölməsində Enable seçin
- Kompüterinizə ad verin və ekrandakı təlimatlara uyğun parol təyin edin
- Mobil tətbiqi smartfonunuza yükləyin (iOS, Android)
- Tətbiqə daxil olub kompüteri seçin və parolu daxil edin
Bundan sonra kompüterin tam masaüstü (yalnız brauzer yox) telefon ekranında görünəcək. Kursoru rahat idarə etmək üçün yuxarıdakı əl ikonuna toxunun və “Touchpad Mode” seçin. Artıq smartfonunuz noutbukun touchpad-i kimi işləyir.
- Sol klik — ekrana qısa toxunuş
- Sağ klik — iki barmaqla toxunuş
Ekranı böyütdükdə kursor yalnız smartfonda görünən sahə daxilində hərəkət edəcək. Lazım olduqda kursorun dəqiqliyini artıra bilərsiniz. Klaviatura ikonuna toxunduqda isə aşağıda mətn yazmaq üçün sahə açılır və yazdıqlarınızı bir kliklə kompüterə ötürə bilərsiniz.
Remote Mouse
Platformalar: Windows, macOS, iPhone, Android
Sadə bir tətbiqdir və Android smartfonunuzu, iPhone və ya iPad-i PC üçün Wi-Fi üzərindən siçana çevirir. Windows 7+ və macOS Yosemite 10.10+ sistemləri ilə işləyir.
İstifadə üçün tətbiqi həm telefona, həm də kompüterə yükləyin. Daha sonra hər iki cihazı eyni Wi-Fi şəbəkəsinə qoşun və telefonda tətbiqi açın. Əsas ekranda şəbəkədə tapılan kompüter görünməlidir. Əgər görünmürsə, cihazları əl ilə qoşun. Ən asan üsul:
- Kompüter proqramında Show QR Code düyməsinə klikləyin
- Brauzerdə QR kodlu səhifə açılacaq
- Telefonda “+” düyməsinə toxunun və Scan QR code seçin
Bundan sonra ekranda touchpad açılacaq. Sağ tərəfdə scroll zolağı, aşağıda isə sol, orta və sağ klik düymələri olacaq. Klaviatura ikonuna toxunaraq mətn yazıb kompüterə göndərə bilərsiniz.
İdarəetmə klassik touchpad kimidir:
- Pəncərələri sürükləmək
- Sürətli toxunuşla ikiqat klik
- İki barmaqla sürüşdürərək scroll
- Pinch hərəkəti ilə zoom
- Uzun basma ilə sağ klik
Tətbiq pulsuzdur, amma funksiyalar məhduddur.
Remote Mouse kompüterdə arxa planda işləyir. İstənilən an telefondan musiqini dəyişə, filmi dayandıra və ya kompüteri söndürə bilərsiniz.
Monect
Platformalar: Windows, Android, iOS
Çox funksiyalı bir tətbiqdir və smartfonunuzu Wi-Fi, Bluetooth və ya USB kabel vasitəsilə pult, gamepad və siçana çevirir. Android və iPhone-u dəstəkləyir, amma yalnız Windows kompüterlə qoşulur.
Hər iki cihaz eyni Wi-Fi şəbəkəsində olmalıdır. Quraşdırıldıqdan sonra telefon tətbiqi avtomatik olaraq PC-ni tapır və touchpad kimi istifadə edə bilərsiniz.
İdarəetmə sadədir:
- Bir barmaqla toxunuş — sol klik
- İki barmaqla toxunuş — sağ klik
- İki barmaqla sürüşdürmə — scroll
Yuxarı sol hissədə sürətli giriş düymələri var: media player, prezentasiya pultu, kompüterin söndürülməsi, brauzer. Sağ yuxarıda isə əlavə düymələr yerləşir. Məsələn, kamera ikonuna toxunaraq şəkil çəkib birbaşa kompüterə göndərə bilərsiniz — şəkil avtomatik açılacaq.
Digər imkanlar:
- Klaviaturanı açmaq
- 3D rejimi aktivləşdirmək
- Touchpad-i tam ekran etmək
Ən maraqlı funksiya 3D rejimdir. Bu rejimdə kursor ekrana toxunmaqla deyil, telefonu havada hərəkət etdirməklə idarə olunur — sanki telefon lazer göstəricidir.
Həmçinin gamepad rejimi mövcuddur. Ekrana özünüz düymələr, joysticklər əlavə edə və kompüter oyunu telefonu oyun pultu kimi tanıya bilər. Microsoft Flight Simulator kimi oyunlar üçün hazır şablonlar da var.
Tətbiq pulsuzdur, lakin bəzi funksiyalar ödənişlidir.
Touch — A PC Controller
Platformalar: Android, Windows
Bu tətbiq müstəqil developer tərəfindən hazırlanıb və antiviruslarda yalnış xəbərdarlıqlar verə bilər. VirusTotal-da yoxladıqda SecureAge və ArcticWolf kimi az tanınan antiviruslar risk göstərə bilər, lakin Kaspersky, ESET-NOD32, Dr.Web və daha 70-dən çox məşhur antivirus təhlükə aşkar etmir.
Touch — A PC Controller vasitəsilə Android telefonunuzu Windows kompüter üçün siçan və gamepada çevirə bilərsiniz. Bunun üçün:
- Tətbiqi telefonunuza quraşdırın
- Kompüterdə arxivi açın və TouchServer.exe faylını işə salın
Tətbiq açılan kimi telefon kompüteri avtomatik tapır və touchpad istifadəyə hazır olur.
Tətbiq çox yüngüldür və demək olar ki, gecikmə yoxdur. Kursor barmağınızla demək olar sinxron hərəkət edir. Bir neçə düymə şablonu mövcuddur. Parametrlər ikonunda touchpad davranışını dəyişə və əlavə düymələr bağlaya bilərsiniz.
Gamepad rejiminə keçmək üçün əsas ekranda yuxarıdan oyunu seçin. Hazırda 4 oyun mövcuddur:
- GTA V
- RDR2
- WD2
- Forza
